- أسمك إيه ؟
= داد داد عبد المودود داد الله
- أنت من جرجه يا جاد ؟
= من درده عين يا فندي
- عندك شهادات يا جاد ؟!
= إبن أختي عنديه الإعدادية
- مالناش دعوة بأبن أختك .. المهم أنت
= أنا أبجى خاله
- عايز تروح أنهي سلاح ؟
= عايز الصراحة .. عايز أنروح سلاح الطيران
- أشمعنى ؟!
= عشان أدلى بالبراطوش
- أسمه البراشوت
= أومال أنا جُلت إيه !!
- وأيه كمان يا جاد ؟
= وأركب الطيارة التفافة
- قصدك الطيارة النفاثة
= أومال أنا جُلت إيه !!
- والطيارة النفاثة تعرف إيه عنها ؟
= أعرف عنها كل خير
- أيوة أيوة إيه معلوماتك عنها ؟!
= حمامة .. فريرة .. عتسبج الصوت
- مظبوط بتسبقه أزاي ؟!
= أنا نفهمك ولمؤاخذة لأن فوق كل ذي عِلم عليم
- أتفضل
= حضرتك بتشوف البرج الأول ولا بتسمع الرعد ؟
- لا بشوف البرق
= شاطر أهي التفافة زي البرج و بتسبج الرعد
- وفوايدها إيه بقى ؟!
= أنا نفهمك يعني أنا لما نكون بمصر و عايز نروح بلاد الهند نجطع المشوار بغمضة عين نُص كلمة يعني أوصل أهناك جبل مجول أنا عاوز نروح هناك
- أزاي بقى ؟!
= يعنى لما أجول أنا عو.. ألقى نفسي وصلت هناك
- كده كده
= ما لمؤاخذة يا فندي ما فوق كل ذي عِلم عليم
- طب أنت هتروح سلاح المُشاة
= لا في عرضك يا توديني سلاح الطيران يا سلاح الغواويص
- قصدك الغواصات
= أومال أنا جُلت إيه !!
- يحول على سلاح المُشاة
= يدوم العز
"إسماعيل ياسين بوليس حربي - ١٩٥٨"
تعليقات: (0) إضافة تعليق