النص الكامل للمشهد
- صباح الخير يسطا عبدو!
= صباح النور يا نجف بنّور يا سيد الغزلان 😍
- أمي بتقولك دقّيت قطن المرتبة وللا لسه!!
= أديني بدقّ فيه يا عسل 😍
- يوووه...ما تخلصني بقا رجليا وجعتني من الروحة والجاية!
= سلامة رجليك يا أبو كعب محنّي...
هات كرسي يله!
- يا راجل بطل رغي واشتغل بقا في القطن!
= مانا بنتّفه وانفّشه علشان أنيمكم على ملبن يا حلاوة 😍
- ملبن؟؟ دانتا اللي يتكل عليك يخويا ينام على حصيرة!
= هع هع هع..شربات يا بت!
- بتّة لما تبتّك!
= بقولك ايه...انا ف جيبي ربع جنية يتيم مش لاقي حاجة أشتريها بيه!
- طب وانا مالي!!
= ايه رأيك لو ندفعه لواحد مأذون يأذن لنا نهيص!
- هيصو عليك في جنازة يا ابو تلات عيال وأمهم!
= وماله...هي الطرشي وانتي الغموس يا لوز مفزدق!
- ضربة ف قلبك يا فقران يا ابو عين زايغة انت!
= ههههه هع هع هع!!
تعليقات: (0) إضافة تعليق