النص الكامل للمشهد
= من تناحيس نحسك، الدهب في إيدك بقا نحاس!
_ اه يا حسرتي وسواد قسمتي يانا!
= سواد قسمتك انتي وللا سواد بختي انا يا نخرور الفقر..يا خميرة الوأوأة..
ودّيتي الغويشة الدهب فين يا بت؟
_ والختمة الشريفة والختمة الشريفة انا طول عمري مخبياها في قعر الشنطة اللي تحت السرير!
= حد من جيرانك الغجر يعرف مكانها؟
_ أبدا ومقام الحسين ..
دانا بآخدها وأرجعها في السر!!
= بتاخديها فين وترجعيها فين؟؟
_ دا هي مرة مفيش غيرها سلّفتها ل روح!!
= روح؟؟
_ بنت الحانوتي....
لبستها ليلة فاتحتها ورجعتهالي تاني!
= هو اللي بيروح عند الحانوتي بيرجع تاني؟؟
أكيد هما اللي بدلوها...وربنا...شوفي وربنا ...لاكون دافنهم بلابيص ومن غير كفن كمان!
_ طوّل بالك بس يا عبدو...الظلم حرام!!
= حرام؟؟
_ ماهو انا .......
سلّفتها مرة كمان لام سبروت!
= أم سبروت؟؟
_ مرات ابو ِسنٍة الحلاق!
= بااااس...يبقا هو اللي قرشها...وربنا لأقص عمره!
_ طوّل بالك بس يا عبدو!
= سلّفتيها لمين تاني يا بؤجة الخيبة...يا فنطاس الهبل!!
_ لأختك عدلات..
استلفتها مني ولبستها لما راحت تقابل جوزها يوم ما خرج من السجن!
= الله يخرب عقلك يا ام مخ تايه يا هبلة...أتهم مين دلوقتي بس يا رب ..أتهم مين..
هتنقطيني!
تعليقات: (0) إضافة تعليق